واشنگٽن(انٽريسٽنگ نيوز) آمريڪي رياست ڪنيڪٽيڪٽ ۾ ڪاري رنگ جو رڇ گهر جي اڱڻ مان عجيب چوري ڪري ويو. هو ٻارن لاءِ رکيل کٽمٺڙا ۽ ڪدو کڻي ويو. هيلووين جي موقعي تي ٻارن جي پورچ ۾ رکيل ٽافين سان ڀريل پيالن مان کٽمٺڙا چوري ڪرڻ کانپوءِ رڇ ڪدو به کڻي ويو. ان چوري جي سيڪيورٽي ڪيمرا ۾ محفوظ ڪيل فوٽيج شيئر ڪئي وئي آهي. جنهن ۾ رڇ کي کٽمٺڙن جو پيالو کڻندي ڏسي سگهجي ٿو. اهو پيالو پاڙي جي ٻارن لاءِ رکيو ويو هو. مالڪڻ پاڻ به گهر ۾ موجود هئي پر رڇ لڪ ڇپ ۾ چوري ڪري ويو. ٻئي طرف ڪيرولائنا رياست ۾ به رڇ چورن جي گروهه جي وڊيو وائرل ٿي آهي.
