ڪراچي(اسٽاف رپورٽر) جسقم پاران سنڌو درياءَ مان نوان 6 ڪئنال ڪڍڻ، ڪاپوريٽ فارمنگ لاءِ سنڌ جون زمينون ڏيڻ خلاف شروع ڪيل 10 ڏينهن واري بُک هڙتال ٻئي ڏينهن به جاري رھي، جنهن ۾ ڊاڪٽر نياز ڪالاڻي، سرفراز ميمڻ، پنهل ساريو جي اڳواڻي ۾ ڪارڪنن حصو ورتو بک ھڙتال تي ويٺل ڪارڪنن جي بلڊ پريشر ۽ شگر جي ٽيسٽ پڻ ڪرائي وئي !بک هڙتالي ڪيمپ تي ڪراچي بار جي وڪيلن جو وفد رشيد راڄڙ،شمس چانڊيو جي اڳواڻي ۾ پهتو، ناليوارو ليکڪ انعام شيخ، سهيل ميمڻ پڻ يڪجهتي طور شريڪ ٿيا، ان موقعي تي ڊاڪٽر نياز ڪالاڻي چيو ته ڪنهن به صورت ۾ سنڌو مٿان ڪئنال قبول نه ڪنداسين.
