کھڙا (ن پ ا) کھڙا لڳ سڱاوتي تان ڪليري برادري جي ٻن ڌرين ۾ جهيڙو، هٿياربندن جي فائرنگ ۾ نوجوان مارجي ويو، سندس چاچو سخت زخمي، واقعي جو ڪيس داخل نه ٿيو، خبر موجب ڳوٺ ڪليري ۾ سڱاوتي تڪرار تان ڪليري برادري جي ٻن ڌرين ۾ جهيڙو ٿي پيو، جنهن ۾ هڪ ڌر جي هٿياربندن فائرنگ ڪري 20 سالا ظفر علي ڪليري کي قتل ڪري ڇڏيو، جڏهن ته گوليون لڳڻ سبب مقتول نوجوان جو چاچو 35 سالا علڻ ڪليري شديد زخمي ٿي پيو، ڳوٺاڻن مقتول نوجوان جو لاش ۽ زخمي کي گمس اسپتال منتقل ڪيو، جتان ضروري ڪارروائي بعد مقتول جو مڙهه وارثن حوالي ڪيو ويو، جڏهن ته زخمي جو علاج جاري آهي، آخري اطلاعن تائين تائين واقعي جو ڪيس داخل نه ٿي سگهيو هو ۽ نه ئي ڪا گرفتاري عمل ۾ اچي سگهي هئي.
