کيبر (ن پ ا) کيبر ۾ کيبر جانباز ڪرڪيٽ ڪلب پاران مرحوم فقير محمد جمن نوحپوٽو ۽ مرحوم جاويد احمد ميمڻ جي ياد ۾ ٽينس ٽيپ بال تي ڪرڪيٽ ٽورنامينٽ ٿي گذري، جنهن ۾ تعلقي مٽياري جي بهترين 16 ٽيمن حصو ورتو، ڪرڪيٽ ٽورنامينٽ جو ميلو هڪ مهينو جاري رهيو، فائنل البلوچ ۽ السيد حيدر شاهه اليون وچ ۾ ٿيو، السيد جي ٽيم جي ڪپتان ٽاس کٽي پهرين بيٽنگ ڪئي مقرر 10 اوورن ۾ 7 وڪيٽن جي نقصان تي 105 رنسون ٺاهيون، جنهن ۾ نجم شاهه 36 رنسون ٺاهي نمايان رهيو، جواب ۾ البلوچ ٽيم مقرر اوورن ۾ 85 رنسون ٺاهي سگهي، مهمان خاص عبدالرحيم کيبر ۽ ٻين ونر ٽيم جي ڪپتان محبوب خاصخيلي کي ونر ٽافي ڏني ۽ رنر ٽيم جي ڪپتان منور علي کوسو کي به رنر ٽرافي فقير حاجي محمد نوحپوٽو حاجي بشير کيبر عبدالحفيظ سولنگي جن ڏني. اعزازي مهمان حاجي محمد فقير نوحپوٽو، بشير احمد کيبر، شوڪت کيبر، عبدالحفيظ سولنگي ۽ محمد بخش بارناڻي هئا.
