کورواھ (ن پ ا) کورواھ ۾ حضرت سومار فقير عرف بهار شاھ جي 86 هين عرس مبارڪ ۽ ميلي جون چئن ڏينهن واريون تقريبون جاري آهن. ان موقعي تي سنڌ جي ثقافتي ملھ راند جا زبردست مقابلا ٿيا، جنهن ۾ مشهور ملھ پهلوانن فدا ملاح، غلام مصطفيٰ نارو، ارشد موسيپوٽو، واحد جت، ڪولر زرداري ۽ ٻين ملھون ماري خوب داد حاصل ڪيو. خاص مهمانن لطيف اسماعيل راهو، سليم خان چانگ، ظفر ڪاشف شورو، صالح راهمون ۽ ٻين شرڪت ڪئي. ٻئي طرف اسٽيج شو ۾ سنڌ جي مشهور اداڪار غلام نبي ڀنڊ المعروف اڇڙو ڪبوتر جي ٽيم اداڪاري جا جوهر ڏيکاري واھ واھ ڪرائي ڇڏي.
