کورواھ (رپورٽ: ابراهيم مخدوم)کورواهه ڀرسان بدين-ڪراچي مين روڊ تي شير واهه لڳ ٽن گاڏين مزدا، سوزڪي ۽ ڪلٽس ڪار ۾ زوردار ٽڪر ٿي پيو، جنهن جي نتيجي ۾ 2 ڄڻا اجو جت ۽ امير جت ٿڏي تي فوت ٿي ويا، جڏهن ته حادثي ۾ ڪاشف عمراڻي، غلام مجتبيٰ عمراڻي، نياز پٺاڻ ۽ عبدالله پٺاڻ سميت 6 ڄڻا زخمي ٿي پيا جن کي نازڪ حالت ۾ بدين جي انڊس اسپتال ۾ داخل ڪيو ويو آهي، لڱ ڪانڊاريندڙ حادثي ۾ 8 ٻڪريون ۽ رڍون به مري ويون آهن، فوتين جا مڙهه گهر پهچڻ تي ڪهرام مچي ويو، ٻڌايو پيو وڃي ته فارمي ڪڪڙيون کڻي ويندڙ تيز رفتار مزدا اوور ٽيڪ ڪندي سامهون ايندڙ سوزڪي ۽ ڪلٽس ڪار سان ٽڪرائجي وئي، جنهن ڪري افسوسناڪ حادثو پيش آيو، حادثي دوران مزدا جو ڊرائيور موقعي تان فرار ٿي ويو آهي.
