سنڌڙي (ن پ ا) ٽائيم نيوز ۽ پنھنجي اخبار پاران “انتھا پسندي کان آجي سنڌ” جي سري ھيٺ اعلانيل ثقافتي ڏھاڙي جي مناسبت سان ڦلھڏيون لڳ ڳوٺ مولوي عبدالله مري ۾ مچ ڪچھري منقعد ڪئي وئي، جنھن جي ميزباني عبدالخالق مري ڪئي، مچ ڪچھري ۾ ثقافتي ويس پهريل نوجوانن پاران قومي گيتن تي رقص ڪري جھمريون پاتيون ويون، ان موقعي تي ضلعي ڪائونسلر جمن مري، غلام نبي مري ۽ مجبور مري پاران نڪور شاعري پيش ڪئي وئي، ھنن چيو ته سنڌ انتھا پسندي جي گھيري ۾ آھي، علي قاضي پاران انتھا پسندي خلاف ڏنل سڏ تي پوري سنڌ رواداري جو مثال ڏيندي، ان موقعي تي مقامي فنڪارن قومي گيت ڳائي محفل کي جھومائي ڇڏيو، مچ ڪچھري ۾ سگھڙن ڏور بيت،ڳجھارتون نڪور شاعري پيش ڪئي.
