اسلام آباد: وفاقي پاڻي وزارت قومي اسيمبلي ۾ گذريل ڏهن سالن دوران ڪوٽڙي ڊائون اسٽريم ۾ ويل پاڻي جا تفصيل پيش ڪري ڇڏيا آهن پاڻي وزارت قومي اسيمبلي ۾ پيش ڪيل لکت ۾ جواب ۾ دعوي ڪئي آھي ته سال 15/2014 ۾ ڪوٽڙي ڊائون اسٽريم ۾ 6.86 ايم اي ايف پاڻي ڇڏيو ويو جڏهن ته سال 16/2015 ۾ 36.61،سال 17/2016 ۾ 10.57،سال 18/2017 ۾ 9.49،سال 19/2018 ۾ 1.79، سال 20/2019 ۾ 12.66،سال 21/2020 ۾ 15.25، سال 22/2021 ۾ 2.11،سال 23/2022 ۾ 42.15 ۽ سال 24/2023 ۾ 14.29 ايم اي ايف پاڻي ڇڏيو آهي. پاڻي وزارت ڊائون اسٽريم ۾ روزانو يا ماهوار پاڻي جي فراهمي جا تفصيل پيش ڪرڻ بدران سال وار تفصيل پيش ڪيا جن ۾ اڪثر طور ٻوڏ ۽ برساتن دوران ويندڙ پاڻي ظاهر ڪري ڊائون اسٽريم ۾ گهڻي پاڻي فراهم ڪرڻ جو تاثر ڏنو ويو آھي
