چونڊن لاءِ پوري ملڪ ۾ 90 هزار 678 پولنگ اسٽيشنز، 2 لک 76402 پولنگ بوٿ قائم

0
44

چونڊ نشان تبديل ٿيڻ تي چونڊون ملتوي ٿيڻ جو خدشو

اسلام آباد (م ڊ) عام چونڊون 2024ع لاءِ اليڪشن ڪميشن سڄي ملڪ ۾ پولنگ اسڪيم جاري ڪري ڇڏي، اليڪشن ڪميش موجب چونڊن لاءِ ملڪ ۾ ڪل 90 هزار 678 پولنگ اسٽيشنز قائم ڪيون ويون آهن

جن ۾ مردن لاءِ 25 هزار 320 ۽ عورتن لاءِ 23 هزار 950 پولنگ اسٽيشنز شامل آهن. اليڪشن ڪميشن جي جاري ڪيل سمري ۾ چيو ويو آهي ته ملڪ ۾ 41 هزار 405 گڏيل پولنگ اسٽيشنز هونديون، اليڪشن ڪميشن موجب پنجاب ۾ 50 هزار 944 پولنگ اسٽيشنز هونديون جن ۾ مردن لاءِ 14 هزار 556 ۽ عورتن لاءِ 14 هزار 36 پولنگ اسٽيشنز شامل آهن،جڏهن ته 22 هزار 352 گڏيل پولنگ اسٽيشنز هونديون

سنڌ ۾ 19 هزار 6 پولنگ اسٽيشنز هونديون جن ۾ مردن لاءِ 4 هزار 439، عورتن لاءِ 3 هزار 308 ۽ 10 هزار 259 گڏيل پولنگ اسٽيشنز هونديون. ڪي پي ۾ 15هزار 697 پولنگ اسٽيشنز هونديون جن ۾ مردن لاءِ 4 هزار 814، عورتن لاءِ 4 هزار 289 ۽ 6 هزار 594 گڏيل پولنگ اسٽيشنز آهن، بلوچستان ۾ 5 هزار 28 پولنگ اسٽيشنز آهن جن ۾ مردن لاءِ 1511 ۽ عورتن لاءِ 1317، صوبي ۾ 2200 گڏيل پولنگ اسٽيشنز قائم ڪيون ويون آهن

اليڪشن ڪميشن موجب سڄي ملڪ ۾ 2 لک 76 هزار 402 پولنگ بوٿ هوندا جن ۾ مردن لاءِ هڪ لک 47 هزار 560، عورتن لاءِ هڪ لک 27 هزار 842 پولنگ بوٿ هوندا. پنجاب ۾ هڪ لک 49 هزار 434، سنڌ ۾ 65 هزار 5، ڪي پي ۾ 47هزار 81 ۽ بلوچستان ۾ 14 هزار 882 پولنگ بوٿ هوندا

 

سنڌ ۾ اليڪشن وقت جهيڙن جا خدشا: 68.6 سيڪڙو پولنگون حساس قرار: رپورٽ سرڪار حوالي

 

سنڌ ۾ صوبائي اسيمبلي جي  130 ۽ قومي اسيمبلي جي 61 سيٽن تي 8 فيبروي تي ٿيندڙ اليڪشن جي موقعي تي سيڪيورٽي جي حوالي سان سنڌ پوليس پاران رپورٽ سنڌ سرڪار حوالي ڪئي وئي آهي. صوبي جي 19004 پولنگ اسٽيشنن مان 6457  پولنگن کي انتهائي حساس، 6593  کي حساس ۽ 5954  پولنگ اسٽيشنن کي نارمل قرار ڏنو ويو آهي

ان حوالي سان جيڪب آباد ضلعي جي 514 پولنگ اسٽيشنن مان 107 انتهائي حساس، 194 حساس ۽ 213 نارمل، ڪشمور جي 405 پولنگ اسٽيشنن مان 115 انتهائي حساس، 100 حساس ۽ 190 پولنگ اسٽيشنون نارمل آهن. شڪارپور جي 486 پولنگ اسٽيشنن مان 75 انتهائي حساس، 124 حساس ۽ 287 نارمل، لاڙڪاڻي ۾ 735 پولنگ اسٽيشنن مان 200 انتهائي حساس، 100 حساس ۽ 435 نارمل، قمبر جي 598 پولنگ اسٽيشنن مان 142 انتهائي حساس، 170 حساس ۽ 286 نارمل، گھوٽڪي ضلعي ۾ 728 پولنگ اسٽيشنن مان 150 انتهائي حساس، 288 حساس ۽ 290 نارمل، سکر ضلعي ۾ 643 پولنگ اسٽيشنن مان 166 انتهائي حساس، 220 حساس ۽ 257 نارمل. خيرپور ضلعي ۾ 906 پولنگ اسٽيشنن مان 373 انتهائي حساس، 428 حساس ۽ 105 نارمل، نوشهري فيروز ۾ 710 پولنگ اسٽيشنن مان 138 انتهائي حساس قرار ڏنو ويو

346 حساس ۽ 226 نارمل، شهيد بينظيرآباد ضلعي ۾ 680 پولنگ اسٽيشنن مان 181 انتهائي حساس، 216 حساس ۽ 283 نارمل پولنگ اسٽيشنون قرار ڏنل آهن.  رپورٽ موجب سانگھڙ جي 901 پولنگ اسٽيشنن مان 451 انتهائي حساس، 260 حساس ۽ 190 نارمل، ميرپورخاص ۾ 656 پولنگ اسٽيشنن مان 42 انتهائي حساس، 102 حساس ۽ 512 نارمل، عمرڪوٽ ۾ 494 پولنگ اسٽيشنن مان 62 انتهائي حساس، 220 حساس ۽ 212 نارمل، ٿرپارڪر ۾783 پولنگ اسٽيشنن مان 224 انتهائي حساس، 311 حساس ۽ 248 نارمل، مٽياري ۾320 پولنگ اسٽيشنن مان 80 پولنگ اسٽيشنون انتهائي حساس، 116 حساس ۽ 124 نارمل، ٽنڊي الهيار ۾ 298 پولنگ اسٽيشنن مان 83 انتهائي حساس، 192 حساس ۽ 23 نارمل پولنگ اسٽيشنون آهن

رپورٽ موجب  حيدرآباد ۾883 پولنگ اسٽيشنن مان 168 انتهائي حساس، 375 حساس ۽ 340 نارمل، ٽنڊي محمد خان ۾ 331 مان 100 انتهائي حساس، 85 حساس ۽ 146 نارمل، ڄامشوري ضلعي ۾ 459 مان 102 پولنگ اسٽيشنون انتهائي حساس، 138 حساس ۽ 219 نارمل، دادو ضلعي ۾ 670 پولنگ اسٽيشنن مان 156 انتهائي حساس، 156 حساس ۽ 150 نارمل، بدين ۾693 پولنگ اسٽيشنن مان 246 انتهائي حساس، 288 حساس ۽ 159 نارمل، سجاول ۾ 359 پولنگ اسٽيشنن مان 18 انتهائي حساس، 28 حساس ۽ 313 نارمل، ٺٽي ۾ 418 پولنگ اسٽيشنن مان 15 انتهائي حساس، 16 حساس ۽ 387 نارمل پولنگ اسٽيشون قرار ڏنل آهن. جڏهن ته ڪراچي جي ملير ضلعي جي 572 پولنگ اسٽيشنن مان 179 پولنگ اسٽيشنون انتهائي حساس قرار ڏنو ويو

378 حساس ۽ رڳو 15 پولنگ اسٽيشنون نارمل قرار ڏنل آهن. ڪورنگي ضلعي ۾ 725 مان 509 انتهائي حساس ۽ 216 حساس پولنگون آهن، ڪورنگي ۾ نارمل پولنگ اسٽيشن هڪ به ناهي! ايسٽ ضلعي ۾ 912 پولنگ اسٽيشنن مان 471 انتهائي حساس، 311 حساس ۽ 130 نارمل، سائوٿ ضلعي ۾ 237 پولنگ اسٽيشنن مان 120 انتهائي حساس ۽ 117 حساس پولنگون آهن، سائوٿ ۾ هڪ پولنگ اسٽيشنن به نارمل قرار ڏنل ناهي. اهڙي طرح ويسٽ ضلعي جو ڪُل 676 پولنگ اسٽيشنون انتهائي حساس قرار ڏنل آهن. سينٽرل ضلعي ۾ 1296 پولنگ اسٽيشنن مان 685 انتهائي حساس ۽ 570 حساس پولنگون قرار ڏنل آهي. نارمل پولنگ ڪا هڪ به ناهي. ڪياماڙي ضلعي ۾ 596 پولنگ اسٽيشنن مان 251 پولنگ اسٽيشنون انتهائي حساس ۽ 345 پولنگون حساس قرار ڏنل آهن، ڪراچي سٽي ۾ 361 پولنگ اسٽيشنن مان 172 پولنگ اسٽيشنون انتهائي حساس ۽ 189 حساس قرار ڏنل پولنگ اسٽيشنون آهن