ممبئي (شوبز نيوز ) بالي ووڊ بلاڪ بسٽر سيريز “ڀول ڀليان” جي ٽئين حصي جي ڊگهي انتظار کانپوءِ رليز ٿيندڙ ٽريلر مداحن کي خوش ڪري ڇڏيو آهي. ڀول ڀليا ٿري ۾ ڪارتڪ آريان پنهنجي مشهور ڪردار “روح بابا” طور واپسي ڪري رهيو آهي جيڪو وديا بالن جي تاريخي ڪردار “منجوليڪا” سان مهاڏو اٽڪائيندو. هارر ڪاميڊي فلم ۾ ڪارتڪ آريان سان گڏ ماڌوري ڊڪشٽ، تريپتي ڊمري ۽ راجپال ياديو به اهم ڪردار ۾ نظر ايندا. جاري ڪيل ٽريلر ۾ ڏيکاريو ويو آهي ته منجوليڪا جي واپسي روح بابا لاءِ خوف جي علامت بڻجي ويندي ۽ ٻنهي جي وچ ۾ هڪ زبردست ٽاڪرو ٿيندو جيڪو فلم کي وڌيڪ دلچسپ بڻائيندو.
