ڀرياسٽي (ن پ ا) ڀرياسٽي روڊ شھر جي فتح پور محلي ۾ اناج منڊي جي مين گيٽ تي رڪشا ڊرائيور پورهيتن بدامني خلاف احتجاجي مظاهرو ڪيو، ان موقعي تي حبيب الله ملڪ، رمضان ملڪ، واحد بخش سولنگي، پرويز چانڊيو، قربان ملڪ ۽ ٻين چيو ته ڪجهه ڏينهن اڳ ڏينهن ڏٺي اناج منڊي جي گيٽ تان حبيب الله ملڪ جو لوڊر رڪشا چوري ٿي ويو هو، جيڪو هن مهل تائين ناهي ملي سگهيو، هنن چيو ته اطلاع باوجود پوليس ڪو به تڌارڪ نه ڪيو آهي، هنن ٻڌايو ته غريب مسڪين آهيون، رڪشا هلائي ٻچن جو پيٽ گذر ڪندا آهيون، هاڻي بيروزگاري سبب خاندان فاقاڪشي واري زندگي گهارڻ تي مجبور آهي، هنن مطالبو ڪيو ته جوابدار گرفتار ڪري چوري ٿيل رڪشا واپس ڪرايو وڃي.
