نئين دهلي (انٽريسٽنگ نيوز) ڀارت ۾ هڪ موٽر سائيڪل سوار شخص خوفناڪ ٽريفڪ حادثي جو شڪار ٿيڻ باوجود معجزاڻي طور زنده بچي ويو، سڄي دنيا ۾ روڊ تي ٿيندڙ مختلف حادثن جون وڊيوز سوشل ميڊيا تي وائرل ٿينديون آهن، جنهن مان اڪثر ماڻهو پنهنجي زندگي وڃائي ويهندا آهن، پر ڀارت جي هڪ اهڙي وڊيو سوشل ميڊيا تي وائرل ٿي رهي آهي، جنهن ۾ هڪ موٽر سائيڪل سوار موت جي منهن مان ذري گهٽ بچي ويو، وڊيو ۾ ڏسي سگهجي ٿو ته موٽر سائيڪل تي ويٺل هڪ شخص تيز رفتاري سبب پهرين فٽ پاٿ تي چڙهيو ۽ پوءِ هوا ۾ اڏامندو ٽرڪ جي سامهون واري شيشي سان ٽڪرائجي زمين تي ڪري پيو پر معجزاڻي طور اهو صحيح سلامت پنهنجي پيرن تي بيهي رهيو، روڊ تان گذرندڙ ٻيا ماڻهن اهو خوفناڪ حادثو ڏسي بيهي رهيا، جنهن سبب روڊ تي لڳل سي سي ٽي وي ڪيميرا رڪارڊ ڪري ورتو، سوشل ميڊيا تي وڊيو وائرل ٿيڻ بعد ماڻهو ان شخص جي زنده بچي وڃڻ کي معجزو قرار ڏئي رهيا آهن.
