ڪولڪتا(انٽريسٽنگ نيوز) آمليٽ هڪ ڊش آهي جنهن کي سڄي دنيا ۾ مختلف طريقن سان پسند ڪيو ويندو آهي، اڪثر ڪري ان کي ناشتي طور استعمال ڪيو ويندو آهي. ڪڏهن ڪڏهن اهو مصالحن ۽ مکڻ سان ڀرپور هوندو آهي پر جيئن ته کاڌي جا نوان رجحان وڌندا پيا وڃن، تيئن ڪجهه عجيب ۽ عجيب ترڪيبون ٺاهيون ويون آهن .هڪ ترڪيب کي فوڊ ويلاگر انسٽاگرام تي شيئر ڪيو، جنهن ۾ ڪولڪتا جي هڪ اسٽريٽ فوڊ وينڊر کي هي عجيب ڊش تيار ڪندي ڏسي سگهجي ٿو. وڊيو ۾ ڏيکاريو ويو آهي ته فوڊ وينڊر هڪ ٿانو ۾ تيل گرم ڪري ٿو پوءِ هڪ گلاس ۾ ڪجهه انڊن کي ٽوڙي ٿو ۽ انهن کي سائي مرچ ۽ پياز سان وڍي ٿو. جڏهن اهو فوڊ وينڊر آمليٽ جي وچ ۾ Oreo بسڪيٽ رکي ٿو ته هڪ انوکو آمليٽ تيار ٿيڻ تي ماڻهو حيران ٿي وڃن ٿا، پر انتظار ڪريو، معاملو اڃا ختم نه ٿيو آهي.آخر ۾ فوڊ وينڊر ان تي چٽڻي، مصالحا۽ وڌيڪ ساوا مرچ رکي چٽپٽو بڻائي پيش ڪري ٿو . سوشل ميڊيا تي ان انوکي اوريو آمليٽ تي گڏيل رد عمل جو اظهار ڪيو ويو آهي هڪصارف لکيو ته اهو ڏسي مون کي ايتري ته ڪاوڙ اچي ٿي جو بيان نٿو ڪري سگهان، هڪ ٻئي صارف جو چوڻ هو ته اهڙي حرڪت تي ان شخص کي جيل وڃڻ گهرجي.ڪجهه سوشل ميڊيا صارفين جو چوڻ هو ته هي کاڌي جي توهين آهي، اوريو سان انصاف ڪيو وڃي.
