ممبئي (اسپورٽس نيوز) ڀارتي فاسٽ بالر محمد سراج ۽ اداڪارا ماهرا شرما جي ڊيٽنگ جا افواهه گردش ڪرڻ لڳا آهن. اداڪارا ماهرا شرما اڪثر سوشل ميڊيا تي پنهنجون تصويرون شيئر ڪندي رهندي جنهن تي سندس مداح دلچسپ قسم جا تبصرا ڪندا آهن. ويجهڙ ۾ بگ باس 13 اسٽار انسٽاگرام تي ڪجهه تصويرون شيئر ڪيون جنهن ۾ هوءَ شاندار روايتي لباس ۾ پوز ڏيندي نظر اچي رهي آهي. ماهرا جي تصويرن جتي مداحن کي متاثر ڪيو هڪ ٻي شئي سڀني جو ڌيان پاڻ ڏانهن ڇڪائي ورتو. اداڪارا طرفان تصويرون شيئر ڪرڻ بعد ڪيئي سوشل ميڊيا واهپيدارن اِهو نوٽ ڪيو ته ڪرڪيٽر محمد سراج به ماهرا جي تصويرن کي” لائيڪ “ ڪيو آهي. اِهو ڏسي واهپيدار دنگ رهجي ويا، سوال اُٿڻ لڳا ته ڇا ٻئي شخصيتون هڪٻئي سان لاڳاپن ۾ آهن؟ واضح رهي ته ماهرا خان ۽ محمد سراج کي ڪڏهن به گڏ ناهي ڏٺو ويو، تنهن ڪري ڪرڪيٽر طرفان اداڪارا جي تصويرون لائيڪ ڪرڻ واري عمل مداحن سوچڻ تي مجبور ڪري ڇڏيو آهي.
