ڪراچي( اسٽاف رپورٽر ) متحده سنڌ جي نگران وزير يونس ڍاگا کان ناڻي ۽ رٿابندي وارا قلمدان واپس وٺڻ جي مخالفت ڪري ڇڏي، ان ڏس ۾ متحده اڳواڻ مصطفيٰ ڪمال پاڪستان ھائوس تي پريس ڪانفرنس دوران الزام هنيو ته يونس ڍاگا کان پ پ جي فرمائش تي ناڻي ۽ رٿابندي جا قلمدان واپس ٿيا آهن، جيڪا ڳڻتي جوڳي ڳالهه آھي، اسان کي خبر پئي آھي ته پ پ اهي کاتا پنهنجي حامي وزير کي ڏيارڻ چاهي ٿي، جنهن کي رد ڪريون ٿا، هن چيو ته يونس ڍاڳا کي اڳ ۾ ڪم ڪرڻ نه پئي ڏنو ويو، هاڻ وري 2 کاتن جا قلمدان واپس ورتا ويا آهن، ھن چيو ته سنڌ جو نگران وڏو وزير پنهنجي فيصلن ۽ سگنيچر( صحيح ) ذريعي اھو محسوس نه ڪرائي ته ھو پ پ جو حمايتي وزير اعليٰ آھي، کيس اڻ ڌريو رھي پنهنجن فيصلن تي نظرثاني ڪرڻ کپي
