وڳڻ/پکو (نمائندن وٽان) پکو ويجھو پوليس ڳوٺ ٿرڙي ھاشم پھچي جوا ۽ منشيات جي مختلف ڪيسن ۾ گھربل جوابدار جان محمد عرف جانو ولد محمد ڇٽل جتوئي کي گرفتار ڪري ورتو، مزاحمت تي ڳوٺاڻا پوليس سان اٽڪي پيا، جنھن تي جوابدار جي مائٽن پوليس سان جھيڙو ڪري ڏنو، جھيڙي دوران ٻه پوليس اھلڪار سخت زخمي ٿي پيا، وڳڻ پوليس وڌيڪ نفري ساڻ ڪري ڳوٺ تي ڪڙو چاڙھي جوابدار جان محمد عرف جانو جتوئي کي گرفتار ڪري جوابدار کان اڍائي ڪلو چرس هٿ ڪرڻ جي دعويٰ ڪئي آهي، ايس ايچ او وڳڻ غلام محمد ميراڻي رابطو ڪرڻ تي ٻڌايو ته مختلف ڪيسن ۾ گھربل جانو جتوئي کي اڍائي ڪلو چرس سميت گرفتار ڪري سندس مٿان منشيات ايڪٽ تحت ڪيس داخل ڪري لاڪپ حوالي ڪري ڇڏيو آهي.
