لاهور (اسپورٽس نيوز) پاڪستان ڪرڪيٽ بورڊ (پي سي بي) شاهد اسليم کي قومي ٽيم جو نئون بيٽنگ ڪوچ مقرر ڪري ڇڏيو. آسٽريليا ۾ پاڪستان ڪرڪيٽ ٽيم جي بيٽنگ مسئلن کي نظر ۾ رکندي مستقل بيٽنگ ڪوچ مقرر جو فيصلو ڪيو ويو. ان ڏس ۾ پي سي بي شاهد اسلم کي پاڪستان ڪرڪيٽ ٽيم جو نئون بيٽنگ ڪوچ مقرر ڪري ڇڏيو آهي جنهن جي بورڊ طرفان تصديق ڪئي وئي آهي. پي سي بي ترجمان موجب، شاهد اسلم بيٽنگ ڪوچ طور زمبابوي ۽ ڏکڻ آفريڪا ۾ قومي ٽيم سان گڏ هوندو. ترجمان موجب، پاڪستان ٽيم لاءِ اسپن بالنگ ڪوچ جي ڳولا جاري آهي، تمام جلد اسپن بالنگ ڪو جي مقرريءَ جو اعلان ڪيو ويندو. ذريعن موجب، شاهد اسلم کي عاقب جاويد جي سفارش تي ڪوچ مقرر ڪيو ويو آهي، هو ماضيءَ ۾ ڪيئي سالن تائين ٽيم جي سپورٽ اسٽاف ۾ شامل رهيو.
