لاهور (اسپورٽس نيوز) تجربيڪار پاڪستاني آل رائونڊر شعيب ملڪ پاڪستان سپر ليگ (پي ايس ايل) سيزن 10 ۾ هڪ رانديگر ۽ سرپرست جي حيثيت سان شرڪت تي تنقيد جو جواب ڏنو آهي. شعيب ملڪ تي مداحن ۽ ڪجهه اڳوڻن ڪرڪيٽرن پاران تنقيد ڪئي پئي وئي ته کيس هاڻي نوجوان رانديگرن جي رهنمائي تي ڌيان ڏيڻ گهرجي ۽ پاڻ ميدان ۾ نه لهڻ گهرجي. 43 سالن جو شعيب ملڪ هن وقت ڪوئيٽا گليڊي ايٽرز جي نمائندگي ڪري رهيو آهي. هن موجوده سيزن ۾ هاڻي تائين 2 ميچن ۾ صرف 14 رنسون ٺاهيون آهن. شعيب ملڪ پاڪستان ڪرڪيٽ بورڊ سان بطور مينٽر پڻ لاڳاپيل آهي. شعيب ملڪ ميڊيا کي ٻڌايو ته منهنجي معاهدي ۾ واضح طور تي لکيل آهي ته مان کيڏڻ جو اهل آهيان ۽ اهو ئي سبب آهي جو مان کيڏي رهيو آهيان. جيستائين ٽيم کي انهن جي ضرورت هوندي، اهي موجود هوندا. شعيب ملڪ چيو ته پي سي بي سان سندس معاهدو کيس رانديگر جي حيثيت سان ليگ ۾ حصو وٺڻ جي اجازت ڏئي ٿو. هن چيو ته جڏهن به ضرورت پوي ته مان پنهنجي سرپرست جي ذميوارين کي پورو ڪريان ٿو. منهنجي معاهدي ۾ واضح طور تي چيو ويو آهي ته مان کيڏڻ جو اهل آهيان ۽ اهو ئي سبب آهي جو مان کيڏي رهيو آهيان.
