لاهور (اسپورٽس نيوز) پشاور زلمي جي آل رائونڊر احمد دانيال جو چوڻ آهي ته اسان کي آخري ٻه ميچون کٽڻ جي ڪوشش ڪرڻي پوندي. مون کي بيٽنگ جو شوق آهي ۽ ان تي ڪم ڪري رهيو آهيان. ملتان ۾ ميچ کان پوءِ پريس ڪانفرنس ڪندي زلمي جي آل رائونڊر احمد دانيال چيو ته، “مون ٻه ميچون کيڏيون، هر ڪو هڪ ٻئي جي حمايت ڪندو آهي. احمد دانيال چيو ته سڀني سخت محنت ڪئي، ملتان هڪ تمام سٺي ٽيم آهي. هن چيو ته اسان جي منصوبابندي ۽ سوچ سٺي آهي، اسان کٽڻ جي ڪوشش ڪنداسين. بابر اعظم بابت ڳالهائيندي احمد دانيال چيو ته مون کي لڳي ٿو ته بابر اعظم پنهنجو فيصلو پاڻ ڪيو ۽ ٽيم لاءِ سوچيو. احمد دانيال وڌيڪ چيو ته هي پهريون ڀيرو آهي جو مان بابر اعظم جي ڪپتاني ۾ کيڏي رهيو آهيان، هو شين کي چڱي طرح بيان ڪري ٿو.
