ڪراچي(اسپورٽس نيوز) پاڪستان سپر ليگ (پي ايس ايل) 10 ۾ ڪراچي ڪنگز جي ٽيم جو حصو بڻجندڙ حسن علي جو چوڻ آهي ته هو ٽورنامينٽ ۾ بهترين بالر بڻجڻ چاهي ٿو، پر اهم ڳالهه ڪنگز کي کٽڻ ۾ مدد ڪرڻ آهي. هڪ انٽرويو ۾ حسن علي چيو ته وڪيٽون وٺي رهيا آهن، مان پنهنجي ذاتي ڪارڪردگيءَ کان ڪافي مطمئن آهيان، مون اين سي اي ۾ سخت محنت ڪئي، پهرين نيشنل ٽي 20 ۾ ۽ هاڻي پي ايس ايل ۾، مون کي پنهنجي محنت جو بدلو مليو. پنهنجي غذا بابت ڳالهائيندي حسن علي چيو ته مون بالنگ ۾ گهٽتائي کي درست ڪيو، ڪجهه شين ۾ تبديلي ڪئي، پنهنجي فٽنيس، غذا ۽ زخمن تي ڪم ڪيو، پر مون روٽي گينگ کي ختم نه ڪيو آهي ۽ نه ئي ڪندس. منهنجي غذا کي بهتر ڪرڻ کان پوءِ، هاڻي مان ڪافي تازو محسوس ڪري رهيو آهيان. دير سان آيو، صحيح آيو، منهنجي زال به هن سلسلي ۾ منهنجي تمام گهڻي مدد ڪئي، اسان هميشه پراٺا کائيندي وڏا ٿيا آهيون، رانديگرن لاءِ غذا جو ڪردار تمام اهم آهي، جڏهن ته ٻاهرين رانديگر جي غذا سٺي هوندي آهي. حسن علي چيو ته پاڪستان سپر ليگ ۾ منهنجو سفر تمام خوبصورت رهيو آهي، هڪ ابھرندڙ رانديگر جي طور تي چونڊيو ويو، پوءِ فائنل کٽيو، اهو سڀ ڪجهه تمام گهڻو يادگار آهي، هن ليگ تمام گهڻو پاڪستاني ٽيلينٽ تيار ڪيو آهي، مان ڊوميسٽڪ کيڏيو هو پر پي ايس ايل کان پوءِ مون لاءِ بين الاقوامي سطح تي کيڏڻ آسان ٿي ويو، مون کي پي ايس ايل ۾ دنيا جي بهترين رانديگرن سان کيڏڻ جو موقعو مليو.
