پيرس (انٽريسٽنگ نيوز) پيرس جي مصروف ترين ايئرپورٽ تي ڪتو گم ٿيڻ سبب فلائٽ آپريشن متاثر ٿي ويو، پرڏيهي ميڊيا موجب پيرس جي چارلس ڊي گال ايئرپورٽ جا 2 رن ويز گم پالتو ڪتي جي ڳولا لاءِ بند ڪيا ويا، رپورٽس ۾ ٻڌايو ويو آهي ته پالتو ڪتو املڪا ۽ ان جي مالڪڻ ڊلاس وڃڻ لاءِ ايئر فرانس جي پرواز سان پيرس پهتا هئا، ان لوڊنگ دوران پالتو ڪتو املڪا پنهنجي پڃري مان فرار ٿي ويو، جنهن جي ڳولا لاءِ ايئرپورٽ تي اعلان به ڪيا ويا، رپورٽس مطابق ڪتي جي ڳولا لاءِ 2 رن ويز کي به بند ڪيو ويو آهي ۽ ڊرون جي مدد به ورتي پئي وڃي، ان حوالي سان ايئر فرانس جو چوڻ آهي ته پالتو ڪتي کي ڪيترا ڀيرا ڏٺو ويو ۽ ان تائين رسائي حاصل ڪرڻ جي به ڪوشش ڪئي وئي پر اڃا تائين ان کي پڪڙيو ناهي ويو.
