پيرس اولمپڪس ۾ پاڪستان کي گولڊ ميڊل ڏياريندڙ ايٿليٽ ارشد نديم جو ڏيهه واپسي تي قومي هيرو جيان استقبال، ارشد نديم پيرس مان ترڪيءَ رستي رات دير سان لاهور جي علامه اقبال ايئرپورٽ پهتو
ارشد نديم جي اڏام کي واٽر ڪينن سليوٽ پيش ڪيو ويو، ڏيهه واپسيءَ تي هزارين مداح قومي هيرو جي هڪ جهلڪ ڏسڻ لاءِ ايئرپورٽ تي پهتا، بينڊ ۽ ڌنون وڄائي ماحول کي پرجوش بڻايو ويو، مداحن ڀنگڙا هڻي ارشد نديم تي گل نڇاور ڪيا
ايئرپورٽ اسٽيٽ لائونج ۾ ارشد نديم جو والد به موجود هو، پٽ کي ڀاڪر پائي گلن جو هار پارايو، احسن اقبال، خواجا سعد رفيق، عظميٰ بخاري ۽ ٻين به ارشد نديم کي هار پارايا
ارشد نديم جي گهر ڀاتين، مائٽن ۽ اباڻي شهر ميان چنون مان مداحن جو قافلو آجيان لاءِ لاهور پهتو، مداحن جي وڏي تعداد سبب ارشد نديم کي ڊبل ڊيڪر بس تي سوار ڪيو ويو
قومي هيرو هٿ لوڏي مداحن جا ٿورا مڃيا ۽ نعرن جو جواب ڏنو، قافلو ايئرپورٽ کان موٽر وي رستي ميان چنون روانو ٿيو
