لاهور(اسپورٽس نيوز) پيرس ۾ منعقد پيرا اولمپڪس ۾ پاڪستان لاءِ واحد پتل جو ميڊل کٽيندڙ حيدر علي وطن واپس پهچي ويو پر سندس استقبال لاءِ ايئرپورٽ تي ڪو به اهم عهديدار نه پهتو. پيرا اولمپڪس ۾ گوجرانوالا جي حيدر علي F37 ڪيٽيگري جي ڊسڪس ٿرو ايونٽ ۾ پتل جو ميڊل کٽيو هو. ان حوالي سان صحافي فيضان لاکاڻي مائيڪرو بلاگنگ پليٽ فارم تي پنهنجي هڪ پوسٽ ۾ لکيو ته پاڪستان جو ڪامياب ترين پيرا ايٿليٽ حيدر علي هڪ ٻيو پيرا اولمپڪ ميڊل کڻي وطن واپس آيو پر اعليٰ اختيارين مان ڪو به سندس استقبال لاءِ نه آيو.
