سکر/پنو عاقل (نمائندن وٽان) سڌوجا پوليس شادي جي آسري هرکجي ڪچي ويندڙ ملتان واسي 4 عورتن سميت پنجن ڄڻن کي اغوا ٿيڻ کان بچائي ورتو، ايس ايس پي سکر دعويٰ ڪندي چيو ته پنجاب جي ملتان سان تعلق رکندڙ خاندان نويد علي، مسمات ڪوثر پروين، مسمات سڪينا، مسمات سميران ۽ سونيا موبائيل فون تي رابطو ٿيڻ بعد ڪچي واري علائقي ۾ سڱاوتي لاءِ وڃي رهيا هئا ته پوليس ٽيڪينڪيل بنيادن تي پهچي پنجن ئي ڄڻن کي اغوا ٿيڻ کان بچائي ورتو، ملتان واسي خاندان ٻڌايو ته عورتاڻي آواز تي رابطو ٿيو هو، ڳالهيون وڌي رشتيداريءَ تائين پهتون، جن گهرايو اسان انهن وٽ وڃي رهيا هئاسين ته پوليس پهتي، جنهن ٻڌايو ته ڄاڻايل علائقي ۾ ڌاڙيل رهندڙ آهن، اوهان اغوا ٿيڻ وڃي رهيا آهيو، جنهن کانپوءِ پوليس ضروري ڪاروائي بعد ملتان واسي فيملي کي پنهنجي گهر روانو ڪري ڇڏيو.
