ممبئي (شوبز نيوز) ديوالي جي موقعي تي الو ارجن ۽ رشميڪا مندانا جي مقبول جوڙي پنهنجي ايندڙ فلم “پشپا 2: دي رول” جو هڪ نئون پوسٽر رليز ڪيو، جنهن مداحن ۾ جوش ۽ خروش وڌائي ڇڏيو آهي، فلم ساز ڪمپني ميٿري مووي ميڪرز جي آفيشل انسٽاگرام اڪائونٽ تان پوسٽر شيئر ڪيو ويو، جنهن جي ڪيپشن ۾ لکيو ويو ته “پشپا راج ۽ سري ولي طرفان اوهان ۽ اوهان جي خاندان لاءِ ديوالي جون واڌايون!” ان پوسٽر ۾ الو ارجن پنهنجي مشهور ڪردار پشپا راج جي انداز ۾ ڪرشماتي ۽ جاندار شخصيت جو مظاهرو ڪيو، جڏهن ته رشميڪا پنهنجي ڪردار سري ولي سان گڏ مداحن جو دل موهي ورتو، فلم جو ڊائريڪٽر سڪمار آهي ۽ ان ۾ فهد فاضل به اهم ڪردار ۾ نظر ايندو، فلم 5 ڊسمبر تي سڄي دنيا ۾ وڏي پردي تي رليز ٿيندي.
