ڪراچي (شوبز نيوز) مشهور اداڪار حمزه علي عباسي چيو آهي ته اهو پاڻ کي پيدائشي مسلمان ناهي چوندو، پر اهو هڪ شعوري مسلمان آهي، اداڪار حمزه علي عباسي ڪجهه سال اڳ شوبز کان پاسيرو ٿيڻ جو اعلان ڪيو هيو، پر ڪجهه عرصو وقفي بعد هن هڪ ڀيرو ٻيهر شوبز انڊسٽري ۾ واپسي ڪئي، تازو ئي هڪ پوڊ ڪاسٽ ۾ ڳالهائيندي حمزه علي عباسي چيو ته مان پاڻ کي پيدائشي مسلمان ناهيان چوندو، پر شعوري مسلمان آهيان، دين جي باري ۾ جيڪو مان پاڻ سکندو آهيان، اهو دوستن سان شيئر ڪندو آهيان، هن پنهنجي مذهبي سفر جي باري ۾ ٻڌايو ته ڪنهن وڏي واقعي بعد مان اسلام طرف ناهيان آيو پر سدائين پنهنجي آس پاس هر شئي تي سوال ڪندو هيس ۽ اهو ڄاڻڻ چاهيندو هيس ته دنيا ڪيئن ڪم ڪري رهي آهي، حمزه علي عباسي وڌيڪ چيو ته قرآن کي پڙهڻ تمام ضروري آهي، قرآن کي ترجمي سان پڙهو ۽ صحيح تعارف سان پڙهو.
