دبئي(اسپورٽس نيوز) پهلگام واقعي کان پوءِ، هندستان جي ايشيا ڪپ 2025ع، ٽي 20 ورلڊ ڪپ 2026ع ۽ چيمپئنز ٽرافي 2029ع جهڙن ميگا ايونٽس جي ميزباني خطري ۾ پئجي وڃڻ جو امڪان آهي. ميڊيا رپورٽن موجب، ڪالهه هندستان جي قبضي هيٺ ڪشمير وادي ۾ 700,000 کان وڌيڪ فوجين جي موجودگي جي باوجود، پهلگام ۾ دهشتگرد حملي کان پوءِ ٽيمن جي سيڪيورٽي لاءِ هڪ وڏو خطرو آهي. ڀارتي ٽيم جي هيڊ ڪوچ ۽ حڪمران پارٽي جي اڳواڻ گوتم گمڀير کي به موت جون ڌمڪيون مليون آهن، جنهن انڊين پريميئر ليگ (آءِ پي ايل) ۾ پرڏيهي رانديگرن جي سيڪيورٽي بابت سوال اٿاريا آهن. ٻئي طرف، ڀارت، واقعي کان پوءِ روايتي دشمني جو مظاهرو ڪندي، جاچ کانسواءِ پاڪستان تي الزام لڳايو، جڏهن ته هندستاني ڪرڪيٽ ڪنٽرول بورڊ (بي سي سي آءِ) سرڪاري دٻاءُ سبب پاڪستان سان ڪنهن به قسم جي ڪرڪيٽ کيڏڻ کان انڪار ڪري ڇڏيو آهي. ڀارتي بورڊ جي ترجمان چيو ته سيڪيورٽي مسئلن جي ڪري، انهن پاڪستان سان ڪنهن به قسم جي ڪرڪيٽ نه کيڏڻ جو فيصلو ڪيو آهي. انهن ڌمڪي ڏني ته آءِ سي سي ايونٽس ۾ هندستان-پاڪستان ميچن جو به جائزو ورتو ويندو. گذريل ڏينهن والاريل ڪشمير جي پهلگام علائقي ۾ فائرنگ جي واقعي ۾ 26 سياح مارجي ويا هئا، جنهن کان پوءِ ڀارت روايتي دشمني جو مظاهرو ڪندي ڪنهن به جاچ کانسواءِ پاڪستان کي واقعي جو ذميوار قرار ڏنو ۽ ڀارتي بورڊ مودي جي حڪم تي پاڪستان سان ڪرڪيٽ جو بائيڪاٽ ڪرڻ جو فيصلو ڪيو.
