ايڊيليڊ(اسپورٽس نيوز) پاڪستان ۽ آسٽريليا وچ ۾ ٽن ميچن تي ٻڌل ون ڊي سيريز جي ٻي ميچ اڄ پاڪستاني وقت موجب ساڍي اٺين وڳي ايڊيليڊ جي گرائونڊ تي کيڏي ويندي. ميزبان آسٽريليا کي ٽن ميچن تي ٻڌل ون ڊي سيريز ۾ 0-1 جي برتري حاصل آهي، پاڪستان کي سيريز بچائڻ لاءِ ٻي ميچ کٽڻ انتهائي ضروري آهي ٻي صورت ۾ قومي ٽيم 0-2 تان سيريز هارائي ويندي. پهرين ميچ ۾ پاڪستان طرفان مليل 204 رنسن جو هدف آسٽريليا 8 وڪيٽن جي نقصان تي حاصل ڪيو هو.
