بلاوايو(اسپورٽس نيوز) پاڪستان ۽ زمبابوي وچ ۾ ٽن ون ڊي ميچن تي ٻڌل سيريز جي ٽِين ۽ فيصلائتي ميچ اڄ کيڏي ويندي.پاڪستان ۽ زمبابوي وچ ۾ ون ڊي سيريز جو فيصلائتو دنگل اڄ ٿيندو، ميچ پاڪستاني وقت موجب منجهند ساڍي ٻارنهين وڳي شروع ٿيندي.فاسٽ بالر احمد دانيال ۽ شاهنواز ڏاهاڻي جي انجري جو شڪار ٿي سيريز مان ٻاهر ٿي چڪا آهن، سندن جاءِ تي عباس آفريدي ۽ جهانداد خان کي قومي اسڪواڊ ۾ شامل ڪيو ويو آهي.ياد رهي ته پاڪستان ٻي هڪ ڏينهن واري ميچ ۾ زمبابوي کي ڏهه وڪيٽن تان مات ڏني هئي، جڏهن ته پهرين ون ڊي پاڪستان کي زمبابوي هٿان ڊڪ ورٿ لوئيس ميٿڊ تحت 80 رنسن تان شڪست جو منهن ڏسڻو پيو هو. ٻئي طرف قومي ٽيم جي ڪپتان محمد رضوان چيو آهي ته ٻئين ميچ کٽڻ بعد اعتماد وڌيو آهي، اڄوڪي ميچ کٽڻ لاءِ ڀرپور تياري سان ميدان ۾ لهنداسين: رضوان
