نيويارڪ(شوبز نيوز) پاڪستاني-آمريڪي يوٽيوبر ساجد رحمان، جيڪو سوشل ميڊيا تي “زلمي” جي نالي سان مشهور آهي، دنيا جي سڀ کان وڏي يوٽيوبر، مسٽر بيسٽ (جمي ڊونلڊسن) سان تعاون ڪيو آهي. هن تعاون کي پاڪستاني يوٽيوب ڪميونٽي لاءِ هڪ اهم سنگ ميل سمجهيو پيو وڃي. زلمي تازو ئي پنهنجي يوٽيوب چينل تي مسٽر بيسٽ سان ملاقات جي هڪ وڊيو اپ لوڊ ڪئي، جنهن کي 24 ڪلاڪن اندر 1.5 ملين کان وڌيڪ ماڻهن ڏٺو. هن وڊيو ۾، مسٽر بيسٽ زلمي کي سندس اسٽوڊيو جو دورو پڻ ڪرايو. زلمي مارچ 2022 ۾ “ايف ايم ريڊيو ڪي خراٽي” جي عنوان سان پنهنجي پهرين وڊيو اپ لوڊ ڪئي، پر هن جي وڏي ڪاميابي جنوري 2023 ۾ آئي، جڏهن هن پنهنجي پٽ سان “24 ڪلاڪن ۾ 1 لک رپيا خرچ ڪرڻ جو چئلينج” جي عنوان سان هڪ وڊيو پوسٽ ڪئي، جيڪا وائرل ٿي وئي. زلمي هاڻي تائين لکين سبسڪرائبرز ۽ لکين ويوز حاصل ڪري چڪو آهي، ۽ پنهنجي خانداني زندگي، ايڊونچر، ۽ گيمنگ کي ناظرين سان شيئر ڪرڻ جاري رکي ٿو. هن تازو ئي مسٽر بيسٽ جي 50 ڪلاڪن جي آئس لينڊ سروائيول چيلنج کي مڪمل ڪيو، پنهنجي عالمي شهرت کي اڳتي وڌايو. زلمي هڪ نئين وڊيو جاري ڪئي آهي جنهن جو عنوان آهي “زلمي x مسٽر بيسٽ پاڪستان جو سڀ کان وڏو تعاون جلد اچي رهيو آهي”، جنهن پاڪستاني يوٽيوب ڪميونٽي ۾ تمام گهڻو جوش پيدا ڪيو آهي. هي تعاون ممڪن طور تي پاڪستان جي يوٽيوب جي تاريخ ۾ سڀ کان وڏو تعاون ٿي سگهي ٿو، ۽ مداح ان جو بي صبري سان انتظار ڪري رهيا آهن.
