ممبئي(شوبز نيوز) عالمي شهريت يافتا پاڪستاني سپر اسٽار فواد خان ۽ اداڪارا ماهرا خان جي بلاڪ بسٽر فلم “دي ليجنڊ آف مولا جٽ” ڀارت ۾ رليز ٿيڻ جي تاريخ جو اعلان ڪيو ويو آهي. دي ليجنڊ آف مولا جٽ جي فلمساز پنهنجي آفيشل انسٽاگرام هينڊل تي ڀارتي فلمي مداحن لاءِ خوشخبري جو اعلان ڪيو. فلساز انسٽاگرام تي دي ليجنڊ آف مولا جٽ جو پوسٽر شيئر ڪندي ٻڌايو ته فلم ايندڙ مهيني 2 آڪٽوبر تي ڀرت جي سينيما گهرن ۾ رليز ٿيندي. پوسٽ ۾ وڌيڪ چيو ويو آهي ته ڀارت جي جن سينيما گهرن ۾ “دي ليجنڊ آف مولا جٽ” رليز ٿيندي، انهن جي فهرست جلد شيئر ڪئي ويندي. واضح رهي ته فلم “دي ليجنڊ آف مولا جٽ” سال 2022ع ۾ پاڪستان ۾ رليز ٿي هئي ۽ غير معمولي ڪاميابي حاصل ڪئي هئي.
