پئرس اولمپڪس جو ميلو پڄاڻي تي پهتو، آمريڪا چين کان وڌيڪ ميڊل کٽڻ ۾ ڪامياب

پئرس (اسپورٽس نيوز) پئرس اولمپڪس جو ميلو پڄاڻي تي پهتو، پچاڻي واري تقريب ۾ پاڪستان جي نمائندگي ايٿليٽ فائقه رياض ڪئي، ميڊل کٽڻ جي ڊوڙ ۾ سڀ کان آمريڪا سڀني ملڪن کان اڳتي نڪري ويو

آمريڪا 40 گولڊ ميڊل، 44 سلور ۽ 42 برانز ميڊل حاصل ڪيا، چين ٻئي نمبر تي رهيو ۽ ڪل 91 ميڊلز پنهنجي نالي ڪيا، چين 40 گولڊ، 27 سلور ۽ 24 برانز ميڊل ماڻيا، جاپان ٽئين پوزيشن حاصل ڪري ورتي، جاچان ڪل 45 ميڊل کٽيا جن ۾ 20 گولڊ، 12 سلور ۽ 13 برانز ميڊل شامل آهن

آسٽريليا چوٿين پوزيشن ماڻيندي ڪل 53 ميڊل حاصل ڪيا جن ۾ 18 گولڊ، 19 سلور ۽ 16 برانز ميڊل شامل آهن، جڏهن ته ميزبان فرانس پوائنٽس ٽيبل تي پنجين پوزيشن ماڻي، فرانس ڪل 64ميڊل حاصل ڪيا جن ۾ 16 گولڊ، 26 سلور ۽ 22 برانز ميڊل شامل آهن، ايران 3 گولڊ ميڊل، 6 سلور ۽ 3 برانز ميڊل کٽي پوائنٽس ٽيبل تي 21هين پوزيشن ماڻي

جڏهن ته اسرائيل هڪ گولڊ، 5 سلور ۽ هڪ برانز ميڊل کٽي 41هين پوزيشن ماڻي، پوائنٽس ٽيبل تي پاڪستان رڳو هڪ گولڊ ميڊل کٽي 62 هين پوزيشن حاصل ڪئي، ڀارت هڪ سلور ۽ 5 برانز ميڊل کٽي 71 هين پوزيشن حاصل ڪئي