ڪوئيٽا(م ڊ) بي اين پي عوامي جي ايم پي اي اسد بلوچ چيو آهي ته سي پيڪ، ريڪوڊڪ ۽ سينڊڪ بلوچن لاءِ ناهي، 1947ع ۾ بلوچستان هن ملڪ جو حصو نه هو،48ع ۾ قلات تي فوج ڪشي ڪئي وئي، بلوچستان اسيمبلي ۾ خطاب ڪندي هن چيو ته بلوچستان کي مقبوضه بڻايو ويو،جنرل ٽڪا بلوچستان تي بمباري ڪئي، مشرف ظلم ڪيو،ايپڪس ڪميٽي جو آئين ۾ ته ذڪر ناهي،هن چيو ته ڪيترن ماڻهن کي ماريندو؟ايندڙ وقت ۾ نئين سماجي معاهدي جي ضرورت پوندي،فوج کي قومي فوج بڻايو وڃي،8 لک جي فوج کي گهٽايو،سينيٽ کي مالي اختيار ڏنا وڃن،هر صوبي جو وزيراعظم هئڻ گهرجي،بلوچستان ۾ آپريشن جي مخالف ڪريان ٿو، توهان 2 لک ماڻهو ماريندا ته 10 لک ماڻهو ٻاهر نڪرندا، هن چيو ته سرڪاري ڌر ايوب اسٽيڊيم ۾ جلسي جو اعلان ڪري ٻئي پاسي ڊاڪٽر ماهه رنگ بلوچ به جلسي جو اعلان ڪري ته ماڻهو گهڻا ڪنهن طرف ويندا؟اها سڀني کي خبر آهي،ملڪ هلائڻو آهي ته بلوچستان جي ماڻهن کي گڏ کڻي هلڻو پوندو،منهنجي تڪ ۾ هڪ رپيو به ناهي ڏنو ويو،اها ڪٿان جي جمهوريت آهي؟گذريل ڀيري جڏهن وڏي وزير سان ڳالهايم ته هن چيو ته توهان جا فنڊ ته سيڪٽر ڪمانڊر روڪيا آهن،سوال اهو ٿو پيدا ٿئي ته هن فنڊ ڇو روڪيا آهن؟ ان فنڊ روڪڻ سان ٽي لک عوام ۾ نفرتون پيا پيدا ڪريو،مان فنڊ لاءِ خيرات نه گهرندس،هن چيو ته نوجوان مرڻ لاءِ تيار آهن،توهان ڪيترا ماڻهو ماريندا،هر جبل،بازار،گهٽي مان نوجوان نڪرندا ته بلوچستان کي انصاف ڏيو.
