ٽنڊومستي (ن پ ا) ٽنڊومستي پوليس مبينا مقابلي ۾ 2 جوابدارن کي زخمي حالت ۾ گرفتار ڪرڻ جي دعويٰ ڪئي آهي، پوليس موجب پير غيب لنڪ روڊ تي ڏوهه جي ارادي سان بيٺل هٿياربندن سان مقابلو ٿيو، جنهن دوران فائرنگ جي ڏي وٺ ۾ ٻن جوابدارن کي زخمي حالت ۾ گرفتار ڪيو ويو، جوابدارن جي سڃاڻپ بهادر مري ۽ عظيم بگٽي جي نالن سان ٿي آهي، پوليس موجب گرفتار جوابدارن وٽان هٿيار هٿ ڪيا ويا آهن، پوليس موجب جوابدار ڪيترن ئي ڪيسن ۾ گهربل هئا، جن جو ڪرمنل رڪارڊ ضلع جي مختلف ٿاڻن تي موجود آهي.
