ٽنڊو غلام علي (ن پ ا) ٽنڊي غلام علي شهر جي مين روڊ تي ٽرڪ ۽ موٽر سائيڪل وچ ۾ ٽڪر ٿيڻ جي نتيجي ۾ موٽرسائيڪل سوار ٻه ڄڻا نوجوان انيل ڀيل ۽ اشوڪ ڀيل موقعي تي فوت ٿي ويا، پوليس پهچي لاش کڻائي اسپتال پهچايا جتان ضروري ڪارروائي بعد وارثن حوالي ڪيا ويا، رابطو ڪرڻ تي پوليس ٻڌايو ته ٽرڪ ڊرائيور حسين بخش ڪپري کي گرفتار ڪري ٽرڪ کي تحويل ۾ ورتو آھي، ٻئي نوجوان شهر ۾ ٽائرن جي پنڪچرن جو دڪان بند ڪري ڳوٺ 10 واٽر وڃي رھيا ھئا ته حادثو پيش آيو، جڏهن ته لاش گهر پهچڻ تي ڪهرام مچي ويو.
