ٽنڊوآدم (ن پ ا) ٽنڊو آدم ۾ ڪار مان 28 لکن جي منشيات هٿ، 2 ڄڻا گرفتار خبر موجب ٽنڊو آدم ۾ باب شاهنواز جوڻيجو وٽ ڊي ايس پي ٽنڊو آدم ڊاڪٽر محمد موسي ابڙو جي اڳواڻي ۾ سٽي پوليس ڳجهي اطلاع تي هڪ ڪار کي روڪي ان مان وڏي مقدار ۾ منشيات برآمد ڪرڻ جي دعويٰ ڪئي آھي، پوليس موجب ڪار مان هڪ لک 87 هزار رائل گولڊ انڊين گٽڪي جون پڙيون هٿ ڪري منشيات اسمگلنگ جي ڪوشش کي ناڪام بڻايو ويو آھي 2 جوابدارن سيف الله بروهي ۽ مير حمزه بروهي کي گرفتار ڪري سندن مٿان منشيات ايڪٽ تحت ڪيس داخل ڪري وڌيڪ جاچ ڪئي پئي وڃي.
