ٽنڊو جان محمد(ن پ ا) ٽنڊوجان محمد ھاءِ اسڪول جي گرائونڊ تي اي،بي اسپورٽس جي اونر عبدالجبار جروار طرفان ڪرايل ٽه روزہ مير حاجي خدابخش ٽالپر سپر ليگ ڪرڪيٽ ٽورنامنٽ ٿي گذري، ٽورنامينٽ جو افتتاح اڳوڻو چيئرمين ۽ پ پ پ اڳواڻ خدابخش جاني ٽالپر ڪرڪيٽ شاٽ کيڏي افتتاح ڪيو، ٽورنامنٽ ۾ مختلف شھرن جي 8 ٽيمن حصو ورتو سخت مقابلن بعد الحسيني ۽ انب موري ٽائيگر وچ ۾ فائنل رائونڊ جو ميچ کيڏيو ويو ٻنھي ٽيمن ۾ سخت مقابلي کانپوءِ الحسيني ڪرڪيٽ ڪلب ٽورنامنٽ جو فائنل کٽي ورتو، ٽورنامنٽ جي اختتامي تقريب جي موقعي تي مھمان خاص شاھد کوسو، مير فتح خان ٽالپر، وسيم راجپوت، ۽ ثقلين چوڌري فاتح ٽيم جي ڪپتان عمر رياست دادا کي 20 ھزار ڪيش ۽ ونر ٽرافي انعام طور ڏني، رنر ٽيم جي ڪپتان علي شير ڪلوئي کي ڏھ هزار ڪيش ۽ رنر ٽرافي انعام ڏني وئي، ميچ کي ڏسڻ شائقين ڪرڪيٽ وڏي تعداد ۾ شرڪت ڪئي.
