ڪنري/ٽالھي (نمائندن وٽان) ٽالهي جي شير ڊسٽري جي پوڇڙ مان اڻڄاتل نوجوان جو ٻوري ۽ ٻاچڪن ۾ بند ٿيل لاش هٿ، ان سلسلي ۾ ٽالهي سب ڊويزن نئون ڪوٽ مٺڙائو ڪئنال مان نڪرندڙ شير ڊسٽري جي پوڇڙ مان اڻڄاتل نوجوان جو ٻوري ۾ بند پيل لاش هٿ آيو، علائقي واسين پاڻي ۾ ڦاٿل ٻوري بند لاش ڏسي ٽالهي پوليس کي اطلاع ڪيو، اطلاع تي پوليس واقعي واري هنڌ پهچي نامعلوم نوجوان جو لاش پاڻي مان ڪڍي پنهنجي تحويل ۾ ورتو ۽ علائقي واسين کان تفصيل ورتا، پوليس موجب نوجوان جو لاش ٽي کان چار ڏينهن جو پراڻو آهي پوليس نوجوان جي عمر اٽڪل 20 کان 22 سال ٻڌائي پئي وڃي، سندس ڪپڙن جي کيسي مان 10 رپين جو هڪ سڪو ۽ ڪجهه سوپاريون هٿ آيون، سڃاڻپ لاءِ فنگر وٺي رپورٽ جمع ڪرائي ڇڏي آهي، وڌيڪ جاچ ڪئي پئي وڃي، لاش کي ڪنري جي تعلقي اسپتال منتقل ڪيو ويو جتي پوسٽ مارٽم ڪري جزا ورتا ويا، ڊاڪٽرن ۽ ٻين مليل شاهدين موجب لاش ڪنهن غير مسلم جو آهي. جنهن کي امانت طور لاوارث ڄاڻائي ٽالهي لڳ روڙيو قبرستان ۾ مٽي ماءُ حوالي ڪيو آهي. پوليس کان مليل ڄاڻ موجب ته في الحال هن ٽائيم تائين لاش جو ڪو به وارث ناهي ٿيو اسان هن کي امانت طور دفنايو آهي ۽ وڌيڪ جاچ شروع ڪري ڇڏي آهي.
