ٽالهي (ن پ ا) ٽالهي مان 3 هفتا اڳ ۾ گم ٿيل نينگر هٿ نه آيو، وارثن جو احتجاج خبر موجب ٽالهي لڳ مريد ڪالوني 21 ڏهاڙا اڳ ۾ گم ٿيل 13 سالا نينگر ڀرت ڀيل جو ٽي هفتا گذري وڃڻ باوجود پتو ناهي پئجي سگهيو آهي، جنهن سبب نينگر جا وارث انتهائي پريشانين ۾ مبتلا ٿي ويا آهن ۽ گهر ۾ روڄ راڙي وارو ماحول بڻيل آهي، ان سلسلي ۾ نينگر جي امڙ حڪيمان ڀيل، ڀاءُ نهالچند ڀيل ۽ چاچي ڌرمو ڀيل جي اڳواڻي ۾ وارثن احتجاج ڪندي چيو ته ٽالهي جهڙي ننڍڙي شهر مان ٽن هفتن کان نينگر لاپتا بيڻل آهي، اسان پنهنجي وس آهر مختلف شهرن ۾ مائٽن توڙي عزيزن وٽ ڳولا ڪئي آهي، پر هن مهل تائين نينگر جو ڪٿي به ڪو ڏس پتو ناهي پئجي سگهيو آهي، هنن چيو ته 21 ڏينهنن کان پٽ گم آهي، پر اڄ تائين اسان وٽ ڪوبه هتان جو سياسي سماجي اڳواڻ لڙي ناهي آيو، هنن ايس ايس پي عمرڪوٽ، ڊي آئي جي ميرپورخاص، آءِ جي سنڌ سميت لاڳاپيل اختيارين کان مطالبو ڪندي گھر ڪئي ته معاملي جو نوٽيس وٺي نينگر جي ڳولا لاءِ ٽيم جوڙي اسان سان انصاف ڪيو وڃي.
