ٺٽو (رپورٽر) ٺٽي ويجھو ڳوٺ پيارو جاکرو ۾ اڻڄاتل چور هتان جي ڳوٺاڻي پورهيت زاهد جاکرو جي گھر ۾ داخل ٿي موبائل فون، هڪ بيٽري سميت ٻيو قيمتي سامان چوري ڪري ويا، ٻئي پاسي هٿياربند ڦورو ڄام واھه پل وٽ رڪاٽون رکي ايندڙ ويندڙ گاڏين کي روڪي هٿيارن جي زور تي روڪ رقم، موبائل فون ۽ ٻيو سامان ڦر ڪري فرار ٿي ويا، ڄاڻايل ٿاڻن جي حدن ۾ وارداتن خلاف پوليس ڪا به ڪارروائي نه ڪئي، جڏهن ته رهواسين پاران ڳڻتي جو اظاهر ڪيو ويو.
