ٺاروشاهه (رپورٽ: غلام شبير اڄڻ) ٺاروشاهه ۾ درٻيلي روڊ تي ٽائيم نيوز ۽ روزاني پنھنجي اخبار جي سرواڻ علي قاضي جي سڏ تي اعلانيل انتھا پسندي کان آجي سنڌ جي سري ھيٺ رنگارنگ ايڪتا ميوزيڪل نائيٽ منعقد ڪئي وئي، جنھن ۾ سياسي سماجي اڳواڻن پ پ ايم اين اي ابرار علي شاهه، ضلع ڪائونسل چيئرمين حاجي سھيل اختر عباسي، پ پ ضلع نائب صدر خالد مسعود چنا، جنرل سيڪريٽري مسرور راڄپر، انجنيئر ممتاز چانڊيو، جي ڊي اي اڳواڻ زاھد لاکو، امداد چانگ، ايڊووڪيٽ عبدالستار لھراڻي، امر امتياز ميمڻ، اشفاق تڳر، زاھد راڄپر، زاھد قائمخاني، آفتاب ڪيريو، نياز اڄڻ سميت سوين ماڻھن شرڪت ڪئي، جڏھن ته نالي وارن فنڪارن طفيل سنجراڻي، ريشما پروين، فقير اعجاز خاصخيلي، صداقت وسطڙو سر ورکا ڪئي، جڏهن ته مزاحيا فنڪارن ماما لالو ۽ موالي فن جو مظاھرو ڪيو، پروگرام ۾ آيل مھمانن قومي گيتن تي جھمريون ھنيون، پروگرام ۾ شريڪ اڳواڻن چيو ته اسان جس ڏيون ٿا علي قاضي کي جنھن ايڪتا ڏينھن جو اعلان ڪري سنڌ سان محبت جو وچن ورجايو آھي، ھنن چيو ته علي قاضي سنڌ جي ثقافت جو امين آھي، ھنن وچن ورجايو ته پھرين ڊسمبر تي ٽائيم نيوز سان ايڪتا ملھائينداسين، پروگرام پرهه ڦٽي تائين جاري رهي.
