لاهور (شوبز نيوز) پاڪستاني اداڪارا وينا ملڪ ڪنوار واري پنهنجي تصوير انسٽاگرام تي شيئر ڪري مداحن کي بي چين ڪري ڇڏيو آهي. تصوير ۾ کيس ڪنوار واري وڳي ۾ پنهنجو چهرو لڪائيندي ڏسي سگھجي ٿو. ٻئي پاسي شهريار نالي شخص به انسٽاگرام تي اڇي شرٽ ۽ ڪاري پينٽ ۾ پنهنجي تصوير شيئر ڪندي وينا ملڪ کي ٽيگ ڪيو آهي. ياد رهي ته ان کان اڳ اداڪارا چيو هو ته هوءَ شادي ڪرڻ واري آهي. پنهنجي گھوٽ جو چهرو جلد سامهون آڻيندي. ان کان اڳ وينا ملڪ 2013ع ۾ بزنس مين اسد بشير خٽڪ سان دبئي ۾ شادي ڪئي، جنهن مان کيس ٻه ٻار به آهن پر اها شادي ٽن سالن اندر ئي ختم ٿي وئي هئي.
