ابوظهبي (اسپورٽس ڊيسڪ ) آءِ سي سي وومينز ٽي ٽوئنٽي ورلڊ ڪپ جا مقابلا اڄ کان گڏيل عرب امارتن ۾ شروع ٿيندا. پاڪستان وومينز ڪرڪيٽ ٽيم اڄ ٽي ٽوئنٽي ورلڊ ڪپ جي شارجه ۾ شيڊيول پهرين ميچ ۾ سريلنڪا سان مهاڏو اٽڪائيندي. ڪالهه پاڪستان وومين ٽيم شارجه ڪرڪيٽ اسٽيڊيم ۾ پريڪٽس ڪئي، پريڪٽس سيشن هيڊ ڪوچ محمد وسيم جي نگراني ۾ ڪيو ويو. اسسٽنٽ فاسٽ بالر ڪوچ جنيد خان، اپسن بالنگ ڪوچ عبدالرحمان، فيلڊنگ ڪوچ حنيف ملڪ رانديگرن کي پريڪٽس ڪرائي. ان موقعي تي قومي وومينز ڪرڪيٽرز طرفان آءِ سي سي وومينز ٽي ٽوئنٽي عالمي ڪپ ۾ بهتر ڪارڪردگي ڏيکارڻ جو عزم ورجايو ويو.
