واشنگٽن (م ڊ) آمريڪي صدر جوبائيڊن ٻيون ڀيرو صدر چونڊجڻ تي ڊونلڊ ٽرمپ کي مبارڪون ڏيندي کيس ملاقات لاءِ وائيٽ هائوس اچڻ جي دعوت ڏئي ڇڏي. پرڏيهي خابرو اداري موجب وائيٽ هائوس مان جاري بيان ۾ چيو ويو آهي ته آمريڪي صدر جوبائيڊن ري پبلڪن پارٽي جي اميدوار ڊونلڊ ٽرمپ کي فون ڪري صدارتي چونڊن ۾ ڪاميابي تي مبارڪون ڏنيون. وائيٽ هائوس جي ترجمان موجب بائيڊن ڊونلڊ سان ٽيليفونڪ رابطي دوران اقتدار جي منتقلي کي يقيني بڻائڻ جو عهد ڪيو ۽ نئين چونڊيل صدر کي وائيٽ هائوس اچڻ جي دعوت ڏني. جاري ڪيل بيان ۾ چيو ويو آهي ته آمريڪي صدر جوبائيڊن ڊيموڪريٽ اميدوار ۽ نائب صدر ڪملا هيرس سان ملاقات ڪئي ۽ ملڪ کي مضبوط بڻائڻ لاءِ گڏجي ڪم ڪرڻ تي زور ڏنو.
