ھنڱورجا (ن پ ا) ھنڱورجا پريميئر ليگ سپر سنڊي دوران 2 ميچون ٿيون، ھنڱورجا لائينز ۽ ھنڱورجا پنجتني اسٽار جون ٽيمون ڪامياب ٿي ويون، پھرين ميچ ھنڱورجا لائينز ۽ ھنڱورجا فائيٽرس جي وچ ۾ ٿي جنهن ۾ ھنڱورجا لائينز جي ڪپتان عمير احمد چنا ٽاس کٽي بئٽنگ جو فيصلو ڪيو سندس ٽيم پھريان بئٽنگ ڪندي مقرر 8 اوورن ۾ 112 رنسون ٺاھيون جواب ۾ ھنڱورجا فائيٽرس سخت مقابلي باوجود 111 رنسون ٺاهي سگهي ۽ صرف ھڪ رنس تان ھارائي وئي، ٻي مئچ ھنڱورجا ايوينجرس ۽ ھنڱورجا پنجتني اسٽار جي ٽيمن وچ ۾ ٿي، جنهن ۾ ھنڱورجا پنجتني اسٽار ٽاس کٽي پھريان بئٽنگ جو فيصلو ڪيو، سندن ٽيم مقرر 8 اوورن ۾ 129 رنسون ٺاھيون، پويان بئٽنگ ڪندي ھنڱورجا ايوينجرس جي ٽيم 115 رنسون ٺاهي سگهي ۽ اھو مقابلو ھنڱورجا پنجتني اسٽار 14 رنسن تان پنهنجي نانءُ ڪري ورتو. آل پاڪستان ورڪرز الائنس ڪارپوريشن جي ريجنل انفارميشن سيڪريٽري علي رضا سھتو ۽ ھنڱورجا اسپورٽس سوسائٽي جي وائيس چيئرمين جميل علي ڀٽو رانديگرن ۾ انعام ورھايا.
