حيدرآباد (بيورو رپورٽ) سنڌ جي راندين واري کاتي پاران علامه اقبال جي پيدائش واري ڏينهن جي نسبت سان حيدرآباد ۾ ڇوڪرين ۽ ڇوڪرن وچ ۾ ”هاڻي کيڏندو حيدرآباد“ جي عنوان تحت 23 نومبر کان راندين جا مقابلا شروع ٿيندا. راندين اهي مقابلا پبلڪ اسڪول جي اسپورٽس گرائونڊ تي منعقد ڪيا ويندا. چئن ڏينهن وارا اهي مقابلا 26 نومبر تائين جاري رهندا جنهن ۾ سمورن ماڻهن لاءِ داخلا مفت رکي وئي آهي. پبلڪ اسڪول جي گرائونڊ تي اڳي عام شاگرد رانديون کيڏي نه سگهندا هئا ۽ عام ماڻهن جي داخلا تي به پابندي هئي پر اسپورٽس کاتي جي صوبائي وزير محمد بخش مهر جي ڪوششن سان پبلڪ اسڪول جي اسپورٽس فيلڊ هاڻي عام رانديگرن لاءِ به کولي وئي آهي.
