لاهور(شوبز نيوز) پاڪستان شوبز انڊسٽري جي ڊمپل گرل هانيا عامر جي مقبوليت نه صرف پاڪستان بلڪ پاڙيسري ملڪ ڀارت ۾ به وڌي آهي جنهن جو اندازو ويجهڙ ۾ اڳيان ايندڙ هڪ ڪمنٽ مان لڳائي سگهجي ٿي. ڀارت جي مشهور انٽرنيٽ پرسنيلٽي ۽ صحافي فريدون شهريار جيڪو ڪيترن ئي سپر هٽ بالي ووڊ اداڪارن جا انٽرويوز ڪري چڪو آهي
هن ويجهڙ ۾ ئي هانيا عامر جو انٽرويو وٺڻ جي خواهش جو اظهار ڪيو آهي. فريدون جي ڪمنٽ جو هڪ اسڪرين شاٽ سوشل ميڊيا سائٽ انسٽاگرام تي وائرل ٿي رهيو آهي ان وائرل اسڪرين شاٽ ۾ فريدون هانيا ويجهڙ ۾ هلندڙ ڊرامي ۾ سندس اداڪاري جي تعريف ڪئي آهي. گڏوگڏ ئي هن لکيو ته “اوهان جو انٽرويو ڪرڻو آهي
مهرباني ڪري ٻڌايو ته ڪهڙي طرح ممڪن ٿي سگهي ٿو” اداڪارا جا مداح اها ڪمنٽ ڏسي گهڻا خوش ٿيا ۽ هانيا کي فوري طور تي انٽرويو لاءِ رضامند ٿيڻ جو مشورو به ڏنو. اتي اها ڳالهه به ذڪر لائق آهي ته جيڪڏهن اداڪارا هانيا عامر جون انسٽاگرام پروفائل تي موجوده تصويرون ڏٺيون وڃن ته ان تي ڪيترن ئي ڀارتي مداحن جا تبصرا موجود آهن جيڪي هانيا جي ڪم سان گڏوگڏ سندس ساراهه به ڪن ٿا
