ھالا(رپورٽ: اڪرم کوکر) ھالا ڀرسان نوجوان جو مبينا تشدد ٿيل لاش مقامي ماڻھن کي مليو آھي،علائقي واسين لاش ڏسي ھالا پوليس کي اطلاع ڏنو آھي، ھالا ڀرسان ڳوٺ جادم ٻگھيو وٽ ڪيلي جي فصل مان 20 ورھين جي نوجوان ڪانو ولد موھن ڪولھي جو مبينا تشدد ٿيل لاش مقامي ماڻھن کي مليو،نوجوان جي وات مان رت وھندڙ آھي، مقامي ماڻھن لاش ڏسي فوري طور ھالا پوليس کي اطلاع ڏنو اطلاع تي ھالا پوليس واقعي واري ھنڌ پھچي نوجوان جي لاش کي تحويل ۾ وٺي تعلقي اسپتال ھالا آندو ويو، ان موقعي تي نوجوان جي وارثن ٻڌايو ته اسان جي ڪنھن سان به ڪا دشمني ناھي، نوجوان صبح گھران مزدوري لاءِ نڪتو ھو، سندس ڪيلي جي فصل مان مقامي ماڻھن کي لاش مليو، جنھن لاش ڏسي اسان کي اطلاع ڏنو آھي، نوجوان جي وات مان رت وھندڙ آھي، معاملي جي جاچ ڪري اسان سان انصاف ڪيو وڃي، ھالا پوليس موجب واقعي جا اصل ڪارڻ معلوم ناھن ٿي سگھيا، جاچ ڪئي پئي وڃي.
