نيوسعيدآباد(ن پ ا) نيوسعيدآباد ويجھو بکر جمالي ۾ گھرو تڪرار تان مڙس امداد جمالي پنهنجي زال افشان جمالي کي مبينا طور گوليون ھڻي قتل ڪري ڇڏيو، واقعي جي اطلاع تي پوليس پهچي مارجي ويل عورت افشان جمالي جو لاش اسپتال منتقل ڪيو، جتان پوسٽ مارٽم بعد وارثن حوالي ڪيو ويو، مقتول عورت ليڪچرار طور بکر جمالي جي ھائير سيڪنڊري اسڪول ۾ ڊيوٽي ڪندي ھئي کيس ٻه مھينا اڳ ليڪچرر طور نوڪري ملي ھئي، لاش گھر پھچڻ تي ڪھرام مچي ويو سندس وارث اڀ ڏاريندڙ دانھون ڪري روئندا رھيا کيس اڄ صبح جو اباڻي قبرستان م دفنايو ويندو.ٻئي طرف بکر جمالي پوليس ڪارروائي ڪندي زال ليڪچرار کي قتل ڪندڙ جوابدار کي گرفتار ڪري ورتو آهي .
