مٺي (رپورٽر) “انتهاپسندي کان آجي سنڌ” جي سري هيٺ پنهنجي اخبار ۽ ٽائيم نيوز پاران اعلانيل ايڪتا عيد جي جشن ملهائڻ لاءِ مٺي جي مختلف ڪاليجن ۽ اسڪولن ۾ شاگردياڻين ۽ شاگردن رنگا رنگي جاڳرتا پروگرام ڪوٺائي جشن ملهايو ويو، مٺي جي گرلس ڊگري ڪاليج، نيو برائيڊ فيوچر پبلڪ هاءِ اسڪول، المهراڻ پبلڪ ھاءِ اسڪول ۽ ٻين سرڪاري توڙي غير سرڪاري اسڪولن ۾ ايڪتا جون جاڳرتا تقريبون ڪوٺائي ايڪتا ڏينهن کي قومي عيد طور ملهائڻ جو عزم ڪيو ويو، تقريبن ۾ شاگردن توڙي شاگردياڻين، قومي گيتن تي رقص ڪري ٽيبلوز ۽ خاڪا پيش ڪيا، جڏهن ته قومي گيتن تي رقص ڪيو ويو.
